महाराष्ट्र आर्य वैश्यमहासभा या संस्थेने नांदेड येथे एक भव्य असे “वासवी माता परमेश्वरी भवन’’ हे सभागृह निर्माण केलेले आहे. या सभागृहासाठी दि. 20 एप्रिल 2000 रोजी नांदेड येथे सिडको कार्यालयाकडून 3,300 चौ. मी. (35,500 चौ. फु) चा भुखंड महाराष्ट्र आर्य वैश्य महासभेला ताब्यात देण्यात आला. त्यावेळी संस्थेचे अध्यक्ष श्री सुभाषराव शेटे हे होते. वासवी माता परमेश्वरी भवनाच्या बांधकामाच्या भूमीपूजन कार्यक्रम दि. 9 सप्टेंबर 2011 रोजी संस्थेचे अध्यक्ष श्री नंदकुमार गादेवार यांच्या अध्यक्षतेत व गुरुवर्य श्री एकनाथ महाराज कंधारकर यांच्या शुभ हस्ते करण्यात आला. वासवी माता परमेश्वरी भवनाचे बांधकाम दि. 31/5/2017 रोजी संस्थेचे अध्यक्ष श्री नंदकुमार गादेवार यांच्या अथक परिश्रमाने पुर्णत्वास आले व दि. 1/6/2017 रोजी वासवी माता परमेश्वरी भवनाचा उद्घाटन सोहळा ना. श्री सुधीरभाऊ मुनगंटीवार , वित्त, नियोजन व वन मंत्री (महाराष्ट्र राज्य) यांच्या हस्ते व श्री रोशैय्या साहेब माजी राज्यपाल तसेच मा. श्री अशोकरावजी चव्हाण, माजी मुख्यमंत्री (महाराष्ट्र राज्य) यांच्या उपस्थितीत करण्यात आला. वासवी माता परमेश्वरी भवनाचे 36000 चौ. फु. बांधकाम झालेले असून त्यात सभागृह, भोजन कक्ष, पाकगृह, व निवासासाठी 15 खोल्यांच्या समावेश आहे. आज याच भवनाच्या परिसरात महाराष्ट्र आर्य वैश्य महासभेचे मुख्य कार्यालय आहे. भवनाला लागूनच 20000 चौ. फुटांची मोकळी जागा असून त्याचा वापर वाहन तळ म्हणून करण्यात येतो. वासवी माता परमेश्वरी भवनाचे बांधकाम आर्य वैश्य समाजातील समाज बांधवांनी दिलेल्या देणगीतून पूर्ण करण्यात आलेले आहे. समाज बांधवांच्या सहयोगातून या भवनाची निर्मीत करण्यात आलेली आहे.

वासवी माता परमेश्वरी भवन सिडको रोड नांदेड च्या परिसरात संस्थेचे अध्यक्ष श्री नंदकुमार गादेवार, महासचिव श्री गोविंदराव बिडवई व कोषाध्यक्ष श्री सुभाषराव कन्नावार यांच्या कल्पकतेतून वासवी माता मंदीर बांधण्याचा निर्णय घेण्यात आला. त्या अनुषंगाने श्री वासवी माता कन्यका परमेश्वरी मंदीराच्या भूमीपूजनाचा कार्यक्रम दि. 27 जानेवारी 2018 रोजी मा. ना. श्री सुधीरभाऊ मुनगंटीवार वित्त, नियोजन वनमंत्री (महाराष्ट्र राज्य) यांच्या शुभहस्ते करण्यात आला. व या मंदीराचा मूर्ती प्राणप्रतिष्ठा व कळसारोहण सोहळा हा कार्यक्रम दि. 29 जानेवारी 2020 रोजी मा. आ. श्री. सुधीरभाऊ मुनगंटीवार व सौ. सपनाताई सुधीर मुनगंटीवार यांच्या हस्ते प्रथम आरतीने संपन्न झाला. या मंदीराची निर्मीती ही आपल्या आर्य वैश्य समाजातील 30 दानशूर व्यक्तींच्या आर्थिक सहभागातून , सहकार्यातून झालेली आहे. या मंदीराच्या कायम स्वरुपी व्यवस्थापनाच्या दृष्टीकोनातून एक 15 सदस्यिय मंदीर व्यवस्थापन समितीची निर्मीती करण्यात आलेली आहे. त्यात खालिलप्रमाणे समिती सदस्य आहेत. १ श्री. अनिल पंढरीनाथ मनाठकर २ श्री. नंदकुमार दत्तात्रय गादेवार ३ श्री. गोविंद लक्ष्मणराव बिडवई ४ श्री. भानुदास पंढरीनाथ वट्टमवार ५ श्री. अशोक दामोदर मुर्केवार ६ श्री. दिलीप व्यंकटराव कंदकुर्ते ७ श्री. ज्ञानेश्वर दत्तोपंत महाजन ८ श्री. सुभाष बालाजी कन्नावार ९ श्री. प्रमोद सुर्यकांत कवटकवार १० श्री. प्रभाकर केरबा डुब्बेवार ११ श्री.एकनाथ बाळकृष्ण मामडे १२ श्री. श्रीराम उद्धवराव मेडेवार १३ श्री. प्रदिप गजानन चाडावार १४ श्री. तुकाराम रंगनाथ कोटलवार १५ श्री. सुरेश हरीभाऊ कोडगीरे.

श्री काशी अन्नपूर्णा वासवी आर्य वैश्य वृद्धाश्रम व नित्यान्नसत्रम अंतर्गत के. बालकिष्टय्या मेमोरिअल एज्यूकेशन फंड या संस्थे मार्फत महाराष्ट्र आर्य वैश्य महासभा या संस्थेच्या माध्यमातून महाराष्ट्रातील आर्य वैश्य समाजातील उच्च शिक्षण घेतलेल्या व घेत असलेल्या गरजूवंत विद्यार्थ्यांना 2007-2008 ते 2022-2023 ह्या शैक्षणिक वर्षा पर्यन्त विद्यानिधी / शैक्षणिक अर्थसहाय्य देण्यात आले . आजपर्यंत एकूण 2,71,75,440/-(अक्षरी दोन कोटी एकहात्तर लक्ष पंचहात्तर हजार चारशे चाळीस फक्त ) रुपयांचे शैक्षणिक अर्थ सहाय्य महाराष्ट्रातील एकूण 767 विद्यार्थ्यांना महाराष्ट्र आर्य वैश्य महासभे मार्फत देण्यात आल्याची माहिती महासभेचे महासचिव मा.श्री.गोविंदराव बिडवई यांनी दिली.

सन 2020 मध्ये दिवाळीनिमित महाराष्ट्रातील एकूण 9 जिल्ह्यातील मिळून आर्य वैश्य समाजातील 415 गरजूवंत निराधार समाज बांधवांना दिवाळी -फराळ किट चे वाटप करून एकूण रु.3,32,100/-(तीन लक्ष बत्तीस हजार शंभर )/- रुपयांची मदत महाराष्ट्र आर्य वैश्य महासभेतर्फे करण्यात आल्याची माहिती महासभेचे महासचिव मा.श्री.गोविंदराव बिडवई यांनी दिली.

महाराष्ट्र आर्य वैश्य महासभा द्वारा आयोजित उपवर-उपवधू परिचय सत्र पहिले दि. 21 जुलै 2019 रोजी घेण्यात आले त्यात एकूण 62 उपवर आणि 60 उपवधू यांनी नोंदणी केली होती , दुसरे परिचय सत्र दि. 12 ओक्टोंबर 2019 रोजी घेण्यात आले त्यात एकूण 83 उपवर आणि 78 उपवधू यांनी नोंदणी केली होती, तिसरे परिचय सत्र दि. 11 डिसेंबर 2021 रोजी घेण्यात आले त्यात एकूण 153 उपवर आणि 151 उपवधू यांनी नोंदणी केली होती. सदरचे तिन्ही परिचय सत्र महासभेने फक्त रु. 100/- ( अक्षरी शंभर रुपये )/- प्रत्येकी नोंदणी फिस आकारून समाजातील प्रत्येक वर्गाला न्याय देण्याचा प्रयत्न केल्याचे महासभेचे महासचिव मा.श्री.गोविंदराव बिडवई यांनी सांगीतले.

महाराष्ट्राच्या कानाकोपऱ्यातील समाज बांधवाचे संघटन करण्याच्या दृष्टीने महासभेने जिल्हास्तरिय व तालुका स्तरीय महासभेची कार्यकारिणी स्थापन करण्याचा निर्णय घेतलेला आहे. या निर्णयाचा पहिला भाग हा जिल्हास्तरिय महासभा कार्यकारिणी स्थापन करण्याच्या दृष्टीने महासभेचे अध्यक्ष श्री नंदकुमार गादेवार यांच्या मार्गदर्रशनाखाली महाराष्ट्रात बीड, औरंगाबाद, परभणी, लातूर, हिंगोली, सोलापूर व जालना या जिल्ह्यांमध्ये महाराष्ट्र आर्य वैश्य महासभेच्या जिल्हा कार्र्कारिणी गठीत करण्यात आल्या. दुसर्‍या टप्प्यात नांदेड (ग्रामीण), नांदेड (महानगर) , पुणे, नाशिक, वर्धा, धाराशीव (उस्मानाबाद) या जिल्ह्यांमध्ये जिल्हा कार्र्कारिणी गठीत करण्यात आल्या. तिसर्‍या टप्प्यात महासभेचे उपाध्यक्ष तथा मा. मंत्री सुधीरभाऊ मुनगंटीवार यांचे विशेष कार्याधिकारी श्री. राजूभाऊ मुक्कावार यांच्या पुढाकाराने व महासभेचे कुशल मुख्य संघटक श्री. प्रदिपजी कोकडवार यांच्या समन्वयाच्या भूमिकेतून गडचिरोली, चंद्रपुर, यवतमाळ, नागपूर व अमरावती या 5 जिल्ह्यात महासभेच्या जिल्हा कार्यकारी मंडळाची स्थापना करण्यात आली. व तसेच तालुका कार्यकारी मंडळाची स्थापना करण्यात आली. आज पावेतो महासभेचे महाराष्ट्रातील एकूण 18 जिल्ह्यात कार्यकारिणी मंडळ स्थापन झालेले आहे. आगामी काळात तालुका स्तरीय सर्व पातळीवर संघटन वाढवण्याची दृष्टीकोनातून महासभेने नियोजन केलेले असून त्यासाठी संस्थेचे महासचिव श्री गोविंदराव बिडवई, कोषाध्यक्ष श्री सुभाषराव कन्नावार व संघटन प्रमुख श्री प्रदीपराव कोकडवार व श्री भानुदासराव वट्टमवार हे प्रयत्नशील आहेत

महाराष्ट्र आर्य वैश्य महासभा अध्यक्ष मा.श्री. नंदकुमार दत्तात्रय गादेवार यांच्या वाढदिवसानिमित्त दि. २६ ओक्टोंबर २०२१ वार मंगळवार रोजी महाराष्ट्रातील एकूण १२ जिल्ह्यांमध्ये सुमारे ३७ ठिकाणी त्यात नांदेड जिल्ह्यात नांदेड शहर, मुखेड, धर्माबाद, मुदखेड, किनवट, नायगाव, भोकर, उमरी, कुंडलवाडी, हिमायतनगर, कंधार, बोधड़ी ,हिंगोली शहर, औरंगाबाद शहर, जालना शहर, सांगली शहर, पुसद शहर, उस्मानाबाद जिल्ह्यात उमरगा, बीड जिल्ह्यात बीड शहर, परळी, आंबेजोगाई, धारूर, केज, माजलगाव, लातूर जिल्ह्यात लातूर शहर, हडोळती, उदगीर, अहमदपूर, परभणी जिल्ह्यात परभणी शहर, जिंतुर, पालम, गंगाखेड, सोनपेठ , सोलापूर जिल्ह्यात सोलापूर शहर ,पंढरपूर, पुणे जिल्ह्यात पुणे शहरात भोसरी आणि वारजे , या ठिकाणी भव्य रक्तदान शिबिराचे आयोजन स्थानिक आर्य वैश्य समाज व महाराष्ट्र आर्य वैश्य महासभा यांच्या संयुक्त विद्यमाने करण्यात आलेले होते , तरी सर्व धर्मीय व सर्व समाजबांधव व भगिनींनी या भव्य रक्तदान शिबिरात जास्तीत जास्त संख्येने सहभागी व्हावे असे आवाहन महासभेचे महासचिव गोविंदराव बिडवई, कोषाध्यक्ष सुभाषराव कन्नावार, संघटन प्रमुख प्रदिप कोकडवार व प्रसिद्धी प्रमुख नरेंद्रजी येरावार यांनी केले होते. या आवाहनास राज्यभरातून खूप चांगला प्रतिसाद मिळाला त्यात सन २०२१ मध्ये महाराष्ट्रातील १२ जिल्ह्यातून ३७ ठिकाणी एकूण १८२५ एवढ्या संख्येचे रक्त संकलित करण्यात आले आणि सन २०२२ मध्ये महाराष्ट्रातील १५ जिल्ह्यातून ४२ ठिकाणी एकूण २४६३ एवढ्या संख्येचे रक्त संकलन करण्यात आल्याची माहिती महासभेचे महासचिव मा.श्री.गोविंदराव बिडवई यांनी दिली.

महाराष्ट्र आर्य वैश्य महासभेचे आधारस्तंभ मा.ना.श्री. सुधीरभाऊ मुनगंटीवार यांचा जन्मदिवस दि. 30 जुलै हा वृक्षारोपण दिवस म्हणून संपूर्ण महाराष्ट्रात वृक्ष लावून साजरा करण्याची संकल्पना महासभेचे अध्यक्ष श्री.नंदकुमारजी गादेवार , महासचिव श्री.गोविंदराव बिडवई आणि कोषाध्यक्ष श्री.सुभाषराव कन्नावार यांनी सर्वसाधारण सभेत मांडली व त्याला सर्व उपस्थित सभासदांनी मान्यता दिली. त्या अनुषंगाने दि. दि. 30 जुलै 2022 रोजी मा.ना.श्री.सुधीरभाऊ मुनगंटीवार यांच्या वाढदिवसानिमित्त महासभेने आयोजित केलेल्या वृक्षारोपण कार्यक्रमात एकाच दिवशी 12 जिल्ह्यामध्ये 35 ठिकाणी एकूण 6275 वृक्ष लागवड करून वृक्षारोपण दिवस साजरा करण्यात आला. सदरच्या वृक्षारोपण कार्यक्रमाचे चित्रीकरण करण्यात आले असून त्याची लिंक https://youtu.be/VzWi9Bsj6kc सर्वांना उपलब्ध करून देण्यात आल्याची माहिती माहिती महासभेचे महासचिव मा.श्री.गोविंदराव बिडवई यांनी दिली.

महाराष्ट्र आर्य वैश्य महासभेच्या जिल्हा कार्यकारी मंडळाचे पहिले अधिवेशन दि. 24 एप्रिल 2022 वार रविवार रोजी श्रीक्षेत्र शिर्डी येथे श्री काशी अन्नसत्रम या ठिकाणी संपन्न झाले. या अधिवेशनाच्या अध्यक्षस्थानी मा.ना.श्री. सुधीरभाऊ मुनगंटीवार हे विराजमान होते. तसेच अधिवेशनाचे उद्घाटन मा.आ.श्री. समीरभाऊ कुणावार यांनी केले. विशेष निमंत्रितांमध्ये काशी अन्नसत्रम चे मुख्य समन्वयक मा.श्री. गुब्बा चंद्रशेखर ,मा.श्री. बच्चू विलास गुप्ता हे अधिवेशनास उपस्थित होते. प्रमुख उपस्थिती म्हणून श्री.दिलीपभाऊ कंदकुर्ते ( मा. अध्यक्ष श्री नगरेश्वर वैश्य मंदिर नांदेड), .श्री.एकनाथराव मामडे ( मा.अध्यक्ष महासभा) ,श्री. डॉ. डी. आर. मुखेडकर ( मा. अध्यक्ष महासभा), श्री. काकासाहेब डोईफोडे (मुख्याधिकारी नगरपंचायत शिर्डी ), सौ. माधुरीताई कोले (अध्यक्ष अ. भा. आर्य वैश्य महिला महासभा ) आणि सौ. सुलभाताई वट्टमवार ( अध्यक्ष आर्य वैश्य महिला महासभा) हे उपस्थित होते. अधिवेशनाचे स्वागताध्यक्ष मा. श्री. नंदकुमारजी गादेवार (अध्यक्ष महासभा) आणि महासभेचे महासचिव श्री. गोविंदराव बिडवई, कोषाध्यक्ष श्री. सुभाषराव कन्नावार, श्री. भानूदासराव वट्टमवार( अध्यक्ष बां.स.) ,श्री. ज्ञानेश्वरजी महाजन (सचिव बां.स.), श्री. अनिलजी मनाठकर ( कोषाध्यक्ष बां. स. ) हे होते. महासभेचे सर्व जिल्हा कार्यकारी मंडळाचे अध्यक्ष, सचिव आणि कोषाध्यक्ष हे स्वागतोच्छुक होते. सदरच्या अधिवेशनाचे प्रास्ताविक महासभेचे महासचिव मा.श्री.गोविंदराव बिडवई यांनी केले तसेच महासभेचे अध्यक्ष मा.श्री.नंदकुमार गादेवार यांनी महासभेच्या पंचसुत्री कार्यक्रमाबाबत माहिती दिली त्यामध्ये सर्वप्रथम श्रीक्षेत्र तिरुपति येथे महासभेच्या माध्यमातून बांधण्यात येणार्‍या भक्तनिवासच्या बांधकामाबाबत चर्चा करण्यात आली, पुणे येथे आर्य वैश्य समाजातील विद्यार्थ्यांच्या वसतिगृहा साठी भूखंड मिळवणे, आर्य वैश्य कोमटी कनेक्ट अॅप , आर्य वैश्य समाजाची जनगणना, महासभेचे विस्तारीकरण या बद्दल सविस्तर चर्चा करण्यात आली तसेच उपस्थित सर्व प्रमुख पाहुण्यांनी व सर्व जिल्हाध्यक्षांनी आपल्या जिल्ह्यातील उपक्रमांची माहिती देऊन आपले मनोगत मांडले.सदरील अधिवेशनाचा अध्यक्षीय सामारोप मा.ना.श्री.सुधीरभाऊ मुनगंटीवार यांनी आपले मनोगत मांडून केला. आभार प्रदर्शन कोषाध्यक्ष मा.श्री.सुभाषराव कन्नावार यांनी केले

दि.06/08/2022 ते दि.12/08/2022 महाराष्ट्र आर्य वैश्य महासभा नांदेड व महाराष्ट्र आर्य वैश्य महासभा नांदेड महानगर च्या वतीने वासवी भवन सिडको रोड नांदेड येथे अॅक्युप्रेशर, मॅग्नेट आणि व्हायब्रेशन नैसर्गिक चिकित्सा पद्धतीद्वारे साप्ताहिक शिबिर घेण्यात आले त्यात 400 सर्व समाजबांधवांनी लाभ घेतल्याची माहिती महासभेचे महासचिव मा.श्री.गोविंदराव बिडवई यांनी दिली.

दिनांक :- 29 ऑगस्ट 2022 रोजी महाराष्ट्र आर्य वैश्य महासभा व महाराष्ट्र आर्य वैश्य महासभा (महानगर) नांदेड व डी. के. असोसिएट्स नागपूर यांच्या संयुक्त विद्यमाने नौकरी मार्गदर्शन व रोजगार मेळावा घेण्यात आला त्यात विविध 10 कंपण्यांच्या प्रमुख आले होते, त्यात एकूण 279 युवक व युवतींनी नोंदणी केली होती प्रत्यक्ष मुलाखती नंतर 42 युवक व युवतींना नौकरी साठी ऑफर लेटर देण्यात आल्याची माहिती महासभेचे महासचिव मा.श्री.गोविंदराव बिडवई यांनी दिली.

आर्थिक दृष्ट्या दुर्बल व गरजू समाजबांधवांसाठी महाराष्ट्र आर्य वैश्य महासभेने स्वयं रोजगार निर्मितीसाठी पिठाच्या गिरण्या वाटप करण्याचा निर्णय घेण्यात आला त्यात सन 2022 मध्ये सर्वप्रथम महाराष्ट्र आर्य वैश्य महासभा व महाराष्ट्र आर्य वैश्य महासभा बीड जिल्ह्याच्या वतीने 16 पिठाच्या गिरण्या वाटप करण्यात आल्या. त्यानंतर महाराष्ट्र आर्य वैश्य महासभा व महाराष्ट्र आर्य वैश्य महासभा नांदेड माहानगर जिल्ह्याच्या वतीने 16 पिठाच्या गिरण्या वाटप करण्यात आल्याची माहिती महासभेचे महासचिव मा.श्री.गोविंदराव बिडवई यांनी दिली.

महाराष्ट्र आर्य वैश्य महासभेचे आधारस्तंभ मा.ना.श्री. सुधीरभाऊ मुनगंटीवार यांचा जन्मदिवस दि. 30 जुलै हा वृक्षारोपण दिवस म्हणून संपूर्ण महाराष्ट्रात वृक्ष लावून साजरा करण्याची संकल्पना महासभेचे अध्यक्ष श्री.नंदकुमारजी गादेवार , महासचिव श्री.गोविंदराव बिडवई आणि कोषाध्यक्ष श्री.सुभाषराव कन्नावार यांनी सर्वसाधारण सभेत मांडली व त्याला सर्व उपस्थित सभासदांनी मान्यता दिली. त्या अनुषंगाने दि. 30 जुलै 2023 रोजी मा.ना.श्री.सुधीरभाऊ मुनगंटीवार यांच्या वाढदिवसानिमित्त महासभेने आयोजित केलेल्या वृक्षारोपण कार्यक्रमात एकाच दिवशी महाराष्ट्रातील 18 जिल्ह्यामध्ये 75 ठिकाणी एकूण 5473 वृक्ष आणि महासभेचे प्रसिद्धी प्रमुख श्री. नरेंद्रजी येरावार यांच्या नियोजनामध्ये श्रीक्षेत्र पशुपतिनाथ नेपाळ येथे 1 रुद्राक्षाचे वृख लागवड करून वृक्षारोपण दिवस साजरा करण्यात आला. सदरच्या वृक्षारोपण कार्यक्रमात लावण्यात आलेल्या सर्व रोपांचे संगोपन करण्यात येणार असल्याचे महासभेचे महासचिव मा.श्री.गोविंदराव बिडवई यांनी सांगीतले.

दि. 26 ओक्टोंबर 2023 रोजी महासभेचे अध्यक्ष मा. श्री. नंदकुमारजी गादेवार यांच्या वाढदिवसानिमित्त महासभेने आयोजित केलेल्या रक्तदान शिबिरात महाराष्ट्रातील 18 जिल्ह्यातून 31 रक्तदान केंद्रावर एकूण 1401 बॉटल रक्त संकलित करण्यात आल्याची माहिती महासभेचे महासचिव मा.श्री. गोविंदराव बिडवई यांनी दिली.

श्री काशी अन्नपूर्णा वासवी आर्य वैश्य वृद्धाश्रम व नित्यान्न सत्रम या संस्थे तर्फे व महाराष्ट्र आर्य वैश्य महासभा या संस्थे मार्फत देण्यात येणाऱ्या विद्यानिधि ( धनादेश ) वाटपाचा कार्यक्रम मा.ना.श्री.सुधीरभाऊ मुनगंटीवार यांच्या शुभहस्ते दि.19/11/2023 वार रविवार रोजी चंद्रपुर येथील वन अकॅडेमी येथे करण्यात आला होता या कार्यक्रमात काशी अन्नसत्रम चे मुख्य तदर्थ समिती सदस्य मा. श्री. विलास बच्चू गुप्ताजी , महासभेचे अध्यक्ष मा.श्री. नंदकुमारजी गादेवार, महासचिव मा.श्री. गोविंदराव बिडवई, उपाध्यक्ष मा.श्री. जयंतराव बोंगीरवार, संघटन प्रमुख मा.श्री.प्रदीपजी कोकडवार, बां. स. कोषाध्यक्ष मा.श्री.अनिलजी मनाठकर, चंद्रपुर जिल्हा अध्यक्ष डॉ. श्री. अनिलजी माडूरवार, श्री.बंडूभाऊ चिंतावार, श्री. शंकरभाऊ गंगशेट्टीवार, गडचिरोली जिल्हा अध्यक्ष प्रा.श्री. प्रशांतजी तम्मेवार, श्री. दत्तात्रयजी पईतवार, श्री. प्रदीपजी मनाठकर, श्री. चंद्रकांत गुंडाळे, श्री. अमितजी कासनगोटूवार, श्री.मुर्की नागभूषणमजी आणि श्री.पोट्टी श्रीरामलूजी यांच्या उपस्थितीत एकूण 60 विद्यार्थ्यांना सुमारे 25 लक्ष रूपयांचा धनादेश विद्यानिधी म्हणून वाटप करण्यात आला, तसेच 2 अनाथ विद्यार्थ्यांना काशी अन्नसत्रम तर्फे दत्तक घेण्यात आले. सदरील कार्यक्रमाचे प्रास्ताविक महासभेचे महासचिव मा.श्री.गोविंदराव बिडवई यांनी केले, महासभेचे अध्यक्ष मा.श्री. नंदकुमारजी गादेवार यांनी आपले मनोगत मांडले व उपस्थित प्रमुख पाहुण्यांनी आपले मनोगत मांडून महासभेच्या उपक्रमाबाबत कौतुक केले. कार्यक्रमाचा अध्यक्षीय सामारोप मा.ना.श्री.सुधीरभाऊ मुनगंटीवार यांनी आपल्या मनोगतातून केला. सदरील कार्यक्रमास उपस्थित राहिल्याबद्दल महासभेचे संघटन प्रमुख मा.श्री. प्रदीपजी कोकडवार यांनी सर्वांचे आभार मानले. .

महाराष्ट्र आर्य वैश्य महासभेच्या जिल्हा कार्यकारी मंडळाचे दुसरे अधिवेशन दि.16 फेब्रुवारी 2023 वार गुरुवार रोजी श्रीक्षेत्र तिरुपति येथे महासभेच्या नियोजित भक्त-निवासाच्या ठिकाणी संपन्न झाले. या अधिवेशनाच्या अध्यक्षस्थानी मा.ना.श्री. सुधीरभाऊ मुनगंटीवार ( वने,सांस्कृतिक कार्ये व मत्स्य व्यवसाय मंत्री, महाराष्ट्र राज्य ) हे विराजमान होते. तसेच अधिवेशनाचे उद्घाटन मा.आ.श्री. समीरभाऊ कुणावार यांनी केले. प्रमुख उपस्थिती म्हणून श्री.दिलीपभाऊ कंदकुर्ते ( मा. अध्यक्ष श्री नगरेश्वर वैश्य मंदिर नांदेड), .श्री.एकनाथराव मामडे ( मा.अध्यक्ष महासभा) ,श्री. डॉ. डी. आर. मुखेडकर ( मा. अध्यक्ष महासभा), सौ. माधुरीताई कोले (अध्यक्ष अ. भा. आर्य वैश्य महिला महासभा ) हे उपस्थित होते. अधिवेशनाचे स्वागताध्यक्ष मा. श्री. नंदकुमारजी गादेवार (अध्यक्ष महासभा) आणि महासभेचे महासचिव श्री. गोविंदराव बिडवई, कोषाध्यक्ष श्री. सुभाषराव कन्नावार, श्री. भानूदासराव वट्टमवार( अध्यक्ष बां.स.) ,श्री. अनिलजी मनाठकर ( कोषाध्यक्ष बां. स. ) सौ. सुलभाताई वट्टमवार ( अध्यक्ष आर्य वैश्य महिला महासभा) हे होते. महासभेचे सर्व जिल्हा कार्यकारी मंडळाचे अध्यक्ष, सचिव आणि कोषाध्यक्ष हे स्वागतोच्छुक होते. सदरच्या अधिवेशनाचे सदरच्या अधिवेशनाचे प्रास्ताविक महासचिव मा.श्री.गोविंदराव बिडवई यांनी केले तसेच अध्यक्ष मा.श्री.नंदकुमार गादेवार यांनी महासभेच्या पंचसुत्री कार्यक्रमाबाबत माहिती दिली त्यामध्ये आर्य वैश्य समाजाची जनगणना, ओ.बी.सी आरक्षण, श्रीक्षेत्र तिरुपति येथे महासभेच्या माध्यमातून बांधण्यात येणार्या( भक्तनिवासच्या बांधकामाब तसेच पुणे येथे आर्य वैश्य समाजातील विद्यार्थ्यांच्या वसतिगृहा साठी भूखंड मिळवणे, उपवर-उपवधू परिचय मेळाव्याच्या संख्या बाबत निर्णय घेणे या बद्दल सविस्तर चर्चा करण्यात आली तसेच उपस्थित सर्व प्रमुख पाहुण्यांनी व सर्व जिल्हाध्यक्षांनी आपल्या जिल्ह्यातील उपक्रमांची माहिती देऊन आपले मनोगत मांडले.सदरील अधिवेशनाचा अध्यक्षीय सामारोप मा.ना.श्री. सुधीरभाऊ मुनगंटीवार यांनी आपले मनोगत मांडून केला. आभार प्रदर्शन प्रसिद्धी प्रमुख मा.श्री.नरेंद्रजी येरावार यांनी केले.

दि.17 फेब्रुवारी 2023 वार शुक्रवार रोजी श्रीक्षेत्र तिरुपति येथे महाराष्ट्र आर्य वैश्य महासभेच्या नियोजित भक्त-निवासाचे भूमिपूजन मा.ना.श्री. सुधीरभाऊ मुनगंटीवार ( वने,सांस्कृतिक कार्ये व मत्स्य व्यवसाय मंत्री, महाराष्ट्र राज्य ) आणि मा.खा.श्री. टी.जी.व्यंकटेश यांच्या शुभ हस्ते संपन्न झाले. या भूमिपूजनाच्या कार्यक्रमास मा.श्री.समीरभाऊ कुणावार ( आमदार हिंगणघाट ),मा.श्री. भुमन्ना करुणाकर रेड्डी(आमदार तिरुपति),मा.श्री. मदनभाऊ येरावार ( आमदार यवतमाळ ) मा.श्री. गुब्बा चंद्रशेखरजी( अध्यक्ष आंध्र. प्रदेश पर्यावरण व्यवस्थापन ) व मा.श्री.विलास बच्चू गुप्ताजी ( तदर्थ समिती सदस्य श्री काशी अन्नपुर्णा सत्रम ) यांची विशेष उपस्थिती होती, श्री. एल्लुरी लक्ष्मया , श्री. देवकी वेंकटेस्वरुलू , श्री. दिलीपभाऊ कंदकुर्ते, श्री. भावनासि श्रीनिवासा, श्री. एकनाथराव मामडे, श्री. डी. आर. मुखेडकर, श्री. पशुपति गोपीनाथ, श्री. डी. नर्सिमल्लू, सौ. माधुरीताई कोले, अॅड. केसरला चन्द्रशेखर, श्री. पशुपार्थि गोपीनाथ, श्री. पी. विकास, सौ. जि. के. राणी, श्री. सुब्बा राजू, श्री.एन. शिवकुमार, तिरुपति येथील विविध आर्य वैश्य संघटनेचे पदाधिकारी उपस्थित होते. श्री.नंदकुमारजी गादेवार (अध्यक्ष महासभा), श्री. गोविंदराव बिडवई ( महासचिव महासभा ), श्री. सुभाषराव कन्नावार ( कोषाध्यक्ष महासभा ), श्री. भानूदासराव वट्टमवार( अध्यक्ष बांधकाम समिती ), श्री.अनिलजी मनाठकर, ( कोषाध्यक्ष बांधकाम समिती ), सौ.सुलभाताई वट्टमवार( अध्यक्ष महिला महसभा), सौ.शिल्पा पारसवार ( सचिव महिला महासभा), सौ. राजश्री पारसवार ( कोषाध्यक्ष महिला महासभा),ई. पदाधिकारी या कार्यक्रमाचे निमंत्रक होते. श्री.प्रदीपजि कोकडवार ( संघटन प्रमुख ) , श्री.नरेंद्रजी येरावार ( प्रसिद्धी प्रमुख ) तसेच महासभेचे सर्व पदाधिकारी, सर्व जिल्हा कार्यकारिणी, भक्त निवासाचे देणगीदार आणि समाजबांधव उपस्थित होते. सदरील भूमिपूजनाच्या कार्यक्रमात मा.खा.श्री. टी.जी.व्यंकटेश, मा.ना.श्री. सुधीरभाऊ मुनगंटीवार, मा.सौ. सपनाताई मुनगंटीवार, मा.श्री.समीरभाऊ कुणावार, मा.श्री.विलास बच्चू गुप्ताजी, मा.श्री. दिलीपभाऊ कंदकुर्ते, मा.श्री. भानूदासराव वट्टमवार ई. मान्यवरांनी आपले मनोगत उपस्थितांसमोर मांडले व शुभेच्छा दिल्या.

महाराष्ट्र आर्य वैश्य महासभेच्या जिल्हा कार्यकारी मंडळाचे तिसरे दोन दिवसीय अधिवेशन दि.03 फेब्रुवारी 2024 वार शनिवार व दि.04 फेब्रुवारी 2024 वार सहनिवार रोजी श्रीक्षेत्र पंढरपूर येथे श्री यश पॅलेस या ठिकाणी संपन्न झाले. या अधिवेशनाच्या अध्यक्षस्थानी , महाराष्ट्र राज्याचे वने,सांस्कृतिक कार्ये व मत्स्य व्यवसाय मंत्री मा.ना.श्री. सुधीरभाऊ मुनगंटीवार हे विराजमान होते. प्रमुख पाहुणे म्हणून मा.आ.श्री.धनपाल सूर्यनारायणा , मा.श्री. विलास बच्चू गुप्ताजी , हे उपस्थित होते तसेच प्रमुख उपस्थिती म्हणून मा.आचार्य श्री. महेश महाराज जिंतुरकर , मा.सौ. सपनाताई मुनगंटीवार , मा. सौ. माधुरीताई कोले, मा.श्री.विवेकजी भिमनवार , मा.डॉ.श्री.प्रवीणजी आष्टीकर, .श्री.एकनाथराव मामडे ,श्री.दिलीपभाऊ कंदकुर्ते, हे उपस्थित होते. अधिवेशनाचे स्वागताध्यक्ष मा. श्री. नंदकुमारजी गादेवार आणि महासभेचे महासचिव श्री. गोविंदराव बिडवई, कोषाध्यक्ष श्री. सुभाषराव कन्नावार, हे होते. श्री. भानूदासराव वट्टमवार ,श्री. अनिलजी मनाठकर सौ. सुलभाताई वट्टमवार, सौ. शिल्पाताई पारसवार, सौ.राजश्रीताई पारसवार, श्री.संजय उर्फ बाळासाहेब कौलवार, डॉ.श्री.सचिनजी लादे, श्री. अविनाशजी नलबिलवार महासभेचे सर्व जिल्हा कार्यकारी मंडळाचे अध्यक्ष, सचिव आणि कोषाध्यक्ष व सर्व महिला जिल्हा कार्यकारी मंडळाचे अध्यक्ष, सचिव आणि कोषाध्यक्ष हे स्वागतोच्छुक होते.सदरच्या अधिवेशनाचे प्रास्ताविक महासचिव मा.श्री.गोविंदराव बिडवई यांनी केले तसेच अध्यक्ष मा.श्री.नंदकुमार गादेवार यांनी महासभेच्या पंचसुत्री कार्यक्रमाबाबत माहिती दिली सर्वप्रथम नांदेड येथे मल्टीस्पेशालिटी हॉस्पिटल बांधणे, समाजबांधवांना महाराष्ट्र व हैद्राबाद येथे उपचारामध्ये सवलत मिळणे बाबत प्रयत्न करणे, समाजात प्री -वेडिंग शूट करण्यात येऊ नये हा ठराव पास करण्यात आला, श्री अयोध्या धाम येथे धर्मशाळा बांधणे व सरकारी अधिकारी आणि कर्मचारी , सी. ए. यांची समिती तयार करणे या बद्दल चर्चा करण्यात आली.तसेच उपस्थित सर्व प्रमुख पाहुण्यांनी व सर्व जिल्हाध्यक्षांनी आपल्या जिल्ह्यातील उपक्रमांची माहिती देऊन आपले मनोगत मांडले.सदरील अधिवेशनाचा अध्यक्षीय मनोगत मा.ना.श्री. सुधीरभाऊ मुनगंटीवार यांनी केले. आभार प्रदर्शन प्रसिद्धी प्रमुख मा.श्री.नरेंद्रजी येरावार यांनी केले.

महाराष्ट्रातील आर्य वैश्य समाजातील युवकांसाठी महासभेने महाराष्ट्र आर्य वैश्य युवा महासभेची स्थापना करण्याचे आवाहन पंढरपूर येथील अधिवेशनात केली होती, त्या अनुषंगाने नागपूर जिल्हाध्यक्ष श्री.दीपकभाऊ निलावार यांच्या मार्गदर्शनाखाली नागपूर येथे पहिली युवा महासभा स्थापन करण्यात आली. सदरील युवा महासभेच्या स्थापनेचा शपथग्रहण सोहळा दि. 05 मे 2024 वार रविवार रोजी नागपूर येथे हॉटेल नैवेद्यम नॉर्थस्टार, कोराडी रोड, येथे झाला त्यात प्रमुख पाहुणे मा.आ.श्री.समीरभाऊ कुणावार, महासभेचे अध्यक्ष मा.श्री.नंदकुमार गादेवार, उपाध्यक्ष मा.श्री.राजुभाऊ मुक्कावार, संघटन प्रमुख मा.श्री.प्रदीप कोकडवार, बीड जिल्हाध्यक्ष मा.श्री. सुमित रुद्रवार व परभणी जिल्हाध्यक्ष मा.श्री.बालाजी डुब्बेवार यांची प्रमुख उपस्थिती होती तसेच नागपुर जिल्हा कार्यकारिणी , महिला कार्यकारिणी यांची ही उपस्थिती होती. नवीन स्थापन झालेल्या नागपूर युवा महासभेच्या कार्यकारिणीस उपस्थित प्रमुखांनी मार्गदर्शन केले व पुढील कार्यास शुभेच्छा दिल्या, विशेष म्हणजे युवा महासभेचे अध्यक्ष श्री.गोपाल गादेवार यांनी कार्याची सुरुवात सुकळी गाव समाजकार्य करण्यासाठी दत्तक घेऊन केली.

महाराष्ट्र आर्य वैश्य महासभेचे अध्यक्ष मा.श्री.नंदकुमारजी गादेवार यांच्या संकल्पनेतून, श्री वासवी माता कन्यका परमेश्वरी च्या कृपेने नांदेड शहरात बाह्य रुग्ण विभागाद्वारे सर्व समाजातील प्रत्येक गरजवंत घटकाला नाममात्र दरात दर्जेदार आरोग्य सेवा देण्याच्या दृष्टीने महाराष्ट्र आर्य वैश्य महासभा संचलित श्री वासवी माता चॅरिटेबल हॉस्पिटल बाह्य रुग्ण विभाग (OPD) दि. 01 जून 2024, वार शनिवार रोज पासून नियमित सुरू करण्यात येत आहे. या हॉस्पिटल मध्ये जवळपास 35+ तज्ञ डॉक्टर समाजबांधव नि:शुल्क सेवा देणार आहेत, तरी या संधीचा सर्व समाजातील बंधू-भगिनींना लाभ घ्यावा अशी विनंती महासभेचे महासचिव मा.श्री.गोविंदराव बिडवई यांनी केली.

प्रा.डॉ.अनिल मुगुटकर यांनी त्यांच्या वृत्त लेखनातून महाराष्ट्र आर्य वैश्य महासभेच्या 40 वर्षांतील वाटचालींचा लेखाजोखा "महाराष्ट्र आर्य वैश्य महासभा - एक सेवाभावी संस्था" हा लेख *https://nandigramexpress.blogspot.com/2024/05/blog-post_31.html* या लिंक वर उपलब्ध करण्यात आलेला आहे कृपया याची सर्वांनी नोंद घ्यावी, असे महासभेचे महासचिव मा.श्री. गोविंदराव बिडवई यांनी आव्हाहन केले आहे.

प्रति, सन्माननीय सभासद, महाराष्ट्र आर्य वैश्य महासभा , महोदय, महाराष्ट्र आर्य वैश्य महासभेच्या सर्व सन्माननीय सभासदांना कळविण्यात येते की, आपल्या महासभेची सर्वसाधारण सभा दि.05 जानेवारी 2025 वार रविवार रोजी सकाळी 10:00 वाजता आयोजित केली असून सभेच्या अध्यक्षस्थानी महासभेचे अध्यक्ष श्री.नंदकुमार दत्तात्रय गादेवार हे राहणार आहेत. सर्वसाधारण सभेचे विषय :- 1) वर्ष 2025 ते 2028 या कालावधी साठी महाराष्ट्र आर्य वैश्य महासभेची नवीन कार्यकारी मंडळाची निवड करणे. तरी सर्व सन्माननीय सभासदांनी सर्वसाधारण सभेस उपस्थित रहावे हि विनंती.  विशेष सूचना :- 1) कोरम अभावी सभा तहकुब झाल्यास 1 तासानंतर त्याच ठिकाणी सर्वसाधारण सभा घेण्यात येईल. त्यास कोरमची आवश्यकता असणार नाही. 2) निवडणुकी संदर्भातील कार्यवाही पार पाडण्यासाठी अॅड.गुणवंत बापूराव देवकते यांची निवडणूक अधिकारी म्हणुन नियुक्ती करण्यात आलेली आहे. 3) सर्वसाधारण सभेत ओळखपत्र, फोटो आय.डी. शिवाय प्रवेश दिला जाणार नाही, याची सर्व सभासदांनी नोंद घ्यावी. 4) दि. 05/01/2024 च्या पूर्वीचे सभासद हे निवडणुकीत व मतदानास पात्र आहेत, अशा सभासदांनाच सदर सर्वसाधारण सभेत उपस्थित राहता येईल. पात्र सभासदांची यादी महासभेचे मुख्य कार्यालय नांदेड येथे पहावयास मिळेल. स्थळ:- वासवी भवन,सिडको रोड, नांदेड., गोविंद लक्ष्मणराव बिडवई , महासचिव , महाराष्ट्र आर्य वैश्य महासभा